Бид хэн бэ?
Компанийн танилцуулга
Монгол Улсын Их Хурлын 2013 оны 23 дугаар тогтоолоор “Улаанбаатар хотыг 2020 оны хүртэл хөгжүүлэх ерөнхий төлөвлөгөөний тодотгол”, 2030 он хүртэлх хөгжлийн чиг хандлагын баримт бичиг батлагдсанаар Нийслэлийн Иргэдийн Төлөөлөгчдийн Хурлын 2015 оны 04 дүгээр сарын 30-ны өдрийн 26/09 дугаар тогтоолоор “Улаанбаатар хотын хөгжлийн корпораци” ХК нь Монгол Улсын урт хугацааны хөгжлийн бодлого, Алсын хараа 2050, Нийслэлийг 2021-2025 онд хөгжүүлэх үндсэн чиглэл, Нийслэлийн Засаг даргын 2020-2024 оны үйл ажиллагааны хөтөлбөр, түүнийг хэрэгжүүлэх төлөвлөгөө, “Нийслэлийн 2022 оны жилийн төлөвлөгөө” зэрэг нийслэлийн хөгжлийн дунд болон урт хугацааны бодлогын баримт бичгүүдэд тусгагдсан төсөл, хөтөлбөрүүдийг байгаль орчинд ээлтэй ногоон хөгжлийг дэмжсэн, хувийн хэвшлийн шилдэг менежмент, гадны хөрөнгө оруулагчдын итгэл дээр тулгуурласан, төр хувийн хэвшлийн хамтын ажиллагааг хөгжүүлэх зорилгоор үүсгэн байгуулагдсан.
Компанийн үйл ажиллагааны зарчим:
-
Хувьцаа эзэмшигчийн оруулсан хөрөнгийн үр өгөөжийг нэмэгдүүлж, хувьцааны үнэ цэнийг өсгөх;
-
Ил тод, бие даасан, хариуцлагатай байх;
-
Тогтвортой хөгжлийг дэмжсэн, тэгш хүртээмжтэй, байгаль орчинд ээлтэй, ухаалаг, дэвшилтэт техник, технологид суурилсан төсөл, хөтөлбөрийг нэн тэргүүнд хэрэгжүүлэх;
-
Ажилтнуудын эрх ашгийг хамгаалж, үйл ажиллагаандаа хөдөлмөрийн аюулгүй байдлыг тэргүүн ээлжид тавих.
үйл ажиллагааны чиглэл:
1
Төсөл, хөтөлбөрүүдийг төр, хувийн хэвшлийн түншлэлийн үр ашигтай хэлбэрийг сонгон хэрэгжүүлэх;
2
Гадаад, дотоодын зах зээл дээр үнэт цаас гаргах, төслийн зээл авах, хөрөнгө оруулагчтай гэрээ байгуулах, төсвийн болон бусад санхүүгийн эх үүсвэрээс хөрөнгө шилжүүлэн авах;
3
Төр, хувийн хэвшлийн түншлэлээр төсөл, хөтөлбөр хэрэгжүүлэх, санхүүжилтийг шийдвэрлэх, төслийн бэлтгэл ажиллагаа, судалгаа шинжилгээ, сонгон шалгаруулалтыг явуулах, зөвлөх үйлчилгээний зардлыг санхүүжүүлэх зорилгоор хөгжлийн болон төсөл хөгжүүлэх сан байгуулах;
4
Хувийн хэвшлээс гаргасан санал, санаачилгыг судалж, нийгмийн ач холбогдол бүхий төслийн саналыг Нийслэлийн Хөгжлийн бодлого, төлөвлөлтийн урт болон дунд хугацааны баримт бичгүүдэд тусгаж, хамтран хэрэгжүүлэх арга хэмжээ авах;
5
Компаниас хэрэгжүүлсэн төслийн хүрээнд байгуулагдсан охин болон хараат компанийн үйл ажиллагааг сайжруулах, зохистой хэлбэрээр өөрчлөн байгуулах, ажилтанд хувьцаа эзэмшүүлэх, хэсэгчлэн болон бүрэн хувьчлах хөтөлбөрийн үндэслэлийг боловсруулж хувьцаа эзэмшигчдийн хуралд оруулж шийдвэрлүүлэх.
Эрхэм зорилго
Алсын хараа
Монгол Улсын Нийслэл Улаанбаатар хотыг иргэдэд ээлтэй, ажиллаж, амьдрахад таатай хот болгон хөгжүүлнэ.
Эрхэм зорилго
Төр, хувийн хэвшлийн түншлэлийн хамтын ажиллагааг хөгжүүлэн, шаардлагатай төсөл, хөтөлбөрүүдийг хэрэгжүүлэх замаар Нийслэлийн эдийн засгийн өсөлтөд бодит хувь нэмрээ оруулж, хувьцаа эзэмшигчдэд хөрөнгийн үр өгөөжийг хүртээхэд оршино.
Үнэт зүйлс
- Итгэлцэл
- Хамтын ажиллагаа
- Өөриймсөг байдал
- Авьяас, ур чадвар, мэргэшсэн байдал
Төлөөлөн удирдах зөвлөл
Ж.БАТБАЯСГАЛАН
Төлөөлөн удирдах зөвлөлийн дарга
Т.ОЮУНЧИМЭГ
Төлөөлөн удирдах зөвлөлийн гишүүн
Н.БАЯРЧИМЭГ
Төлөөлөн удирдах зөвлөлийн гишүүн
Н.МАНДУУЛ
Төлөөлөн удирдах зөвлөлийн гишүүн
Б.ХАШ-ЭРДЭНЭ
Төлөөлөн удирдах зөвлөлийн гишүүн
Б.ДАВААДАЛАЙ
Төлөөлөн удирдах зөвлөлийн гишүүн
Ж.ОЮУНЧИМЭГ
Төлөөлөн удирдах зөвлөлийн Хараат бус гишүүн
С.БИЛГҮҮНЗУЛ
Төлөөлөн удирдах зөвлөлийн Хараат бус гишүүн
С.ЗОЛЗАЯА
Төлөөлөн удирдах зөвлөлийн Хараат бус гишүүн
БАЙГУУЛЛАГЫН бүтэц
